| "nuwe hemp" deur CHARL DURAND [boodskap #22974] |
Ma, 17 Mei 1999 00:00 |
G.B.
Boodskappe: 2174
Geregistreer: Mei 1997
Karma: 0
|
Senior Lid |
|
|
nuwe hemp
Charl Durand
'n Nuwe hemp is soos 'n nuwe kers, jy sien dit in
ander mense se oë , nuwe oë . Self verkies ek
extra large, om toe te laat vir krimp, sien. die
moue voel soos 'n ander land, nuutgevind, die
glimlag nadat ek die meisie die eerste keer
gesoen het. Voel die nuwe nate, die stryklyne is
nog maagdelik. Haal die prys af, oppas vir die
spelde! Ek dra die nuwe hemp simfoniekonsert
toe, die orkes speel die hemp oop. Ou hemde is
vir ou konings sonder gemeentes. Dit verbleik
op die wasgoedlyn soos 'n terminale ideologie.
Laat 'n nuwe hemp toe om jou 'n storie te vertel,
'n reisverhaal of liefdesroman. Dit sal vars klink,
vir altyd, want nuwe hemde vergaan eintlik
nooit nie.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
